Пры Столінскім раённым Доме культуры ў 1973 г. быў створаны ансамбль танца. Яго арганізатарам і першым мастацкім кіраўніком быў Мікалай Міхайлавіч Бараўкоў (з 1999 г. – Дубінін), ураджэнец Петрыкаўскага раёна Гомельскай вобласці, выпускнік Магілёўскага культасветвучылішча (1972).

Узорны ансамбль эстраднага танца «Капрыз» быў створаны ў 1998 г. пры Камянецкім гарадскім Доме культуры Брэсцкай вобласці. Асноўная мэта дзейнасці калектыву – папулярызацыя танцавальнага мастацтва, выхаванне музычнага густу. Заснавальнік і мастацкі кіраўнік ансамбля Валянціна Валянцінаўна Крывец прыйшла працаваць харэографам ў Дом культуры ў студзені 1997 г., набрала дзяцей малодшых класаў у танцавальную групу.